“清文鑑序”的版本间的差异
来自语言维基
(创建页面,内容为“{{UseFont|Manchu}} <div style="{{Writing-mode|tblr}} max-width: 100%; overflow: auto;"> {{ManchuUnicode-div|ᡥᠠᠨ ᡳ ᠠᡵᠠᡥᠠ ᠮᠠᠨᠵᡠ ᡤᡳ...”) |
|||
第1行: | 第1行: | ||
{{UseFont|Manchu}} | {{UseFont|Manchu}} | ||
<div style="{{Writing-mode|tblr}} max-width: 100%; overflow: auto;"> | <div style="{{Writing-mode|tblr}} max-width: 100%; overflow: auto;"> | ||
− | {{ManchuUnicode-div|ᡥᠠᠨ ᡳ ᠠᡵᠠᡥᠠ ᠮᠠᠨᠵᡠ ᡤᡳᠰᡠᠨ ᡳ ᠪᡠᠯᡝᡴᡠ ᠪᡳᡨᡥᡝᡳ ᠰᡳᠣᡳ᠉ ᠪᡳ ᡤᡡᠨᡳᠴᡳ᠈ ᠵᡠᠯᡤᡝᡳ ᡝᠨᡩᡠᡵᡳᠩᡤᡝ ᠨᡳᠶᠠᠯᠮᠠ᠈ ᡶᡠᡨᠠ ᠮᠠᠮᡦᡳᡵᡝ ᠪᡝ ᡥᠠᠯᠠᡶᡳ᠈ ᠪᡳᡨᡥᡝ ᠴᠠᡤᠠᠨ ᠪᠠᠨᠵᡳᠪᡠᡥᠠ ᠴᡳ᠈ ᠠᠪᡴᠠᡳ ᡶᡝᠵᡝᡵᡤᡳ ᠵᡠᡵᡤᠠᠨ ᡤᡳᠶᠠᠨ ᠪᡝ ᡤᡝᠮᡠ ᡧᡠ ᡥᡝᡵᡤᡝᠨᡩᡝ ᠪᠠᡴᡨᠠᠮᠪᡠᡥᠠ᠈ ᠠᠪᡴᠠᡳ ᡶᡝᠵᡝᡵᡤᡳ ᡧᡠ ᡥᡝᡵᡤᡝᠨ ᠪᡝ᠈ ᡤᡝᠮᡠ ᠨᡳᠩᡤᡠᠨ ᡥᠠᠴᡳᠨ ᡳ ᠪᡳᡨᡥᡝ ᡩᡝ ᠪᠠᡴᡨᠠᠮᠪᡠᡥᠠ᠈ ᠨᡳᠩᡤᡠᠨ ᡥᠠᠴᡳᠨ ᡳ ᠪᡳᡨᡥᡝ ᠶᠣᠩᡴᡳᠶᠠᡶᡳ᠈ ᠵᡠᡵᡤᠠᠨ ᡤᡳᠶᠠᠨ ᠶᠣᠣᠨᡳ ᠠᡴᡡᠮᠪᡠᡥᠠᡴᡡᠩᡤᡝ ᠠᡴᡡ᠉ ᠠᡳᡴᠠᠪᠠᡩᡝ ᡤᡳᠶᠠᠩᠨᠠᠮᡝ ᡠᡵᡝᠪᡠᠮᡝ ᡨᡠᠸᠠᠨᠴᡳᡥᡳᠶᠠᠮᡝ ᡤᡝᡨᡠᡴᡝᠯᡝᡵᠠᡴᡡ ᠣᠴᡳ᠈ ᠠᡵᠪᡠᠨ ᠮᡠᡩᠠᠨ ᡨᠣᠩᡴᡳ ᠵᡳᠵᡠᠨ ᡳ ᡩᡠᡵᡠᠨ ᡨᡠᡨᠠᡵᠠ ᡤᠣᠵᡳᠮᡝ᠈ ᡨᡝᡵᡝᡳ ᠵᡠᡵᡤᠠᠨ ᡝᠯᡝᡳ ᠪᡠᡵᡠᠪᡠᡵᡝ ᡩᡝ ᡳᠰᡳᠨᠠᠮᠪᡳ᠉ ᡨᠠᡳᡯᡠ ᡩᡝᡵᡤᡳ ᡥᡡᠸᠠᠩᡩᡳ᠈ ᡶᡠᡴᠵᡳᠨ ᡩᠣᡵᠣ ᡨᠠᠴᡳᡥᡳᠶᠠᠨ ᠪᡝ ᡳᠯᡳᠪᡠᠮᡝ ᠶᡝᠨᡩᡝᠪᡠᡶᡳ᠈ ᡨᡝᠨ ᡳ ᡤᠣᠰᡳᠨ᠈ ᠠᠪᡴᠠ ᠨᠠ ᡩᡝ ᠠᠴᠠᠨᠠᡥᠠ᠈ ᠮᠠᠨᠵᡠ ᠪᡳᡨᡥᡝ ᠪᡝ ᡩᡵᡳᠪᡠᠮᡝ ᠪᠠᠨᠵᡳᠪᡠᡶᡳ᠈ ᠠᠮᠪᠠ ᡧᡠ᠈ ᡧᡠᠨ ᠪᡳᠶᠠᡳ ᡤᡝᠰᡝ ᡝᠯᡩᡝᡴᡝ᠉ ᡨᠠᡳᡯᡠᠩ ᡤᡝᠩᡤᡳᠶᡝᠨ ᡧᡠ ᡥᡡᠸᠠᠩᡩᡳ᠈ ᠪᠠᠨᡳᡨᠠᡳ ᡠᠮᡝᠰᡳ ᡝᠨᡩᡠᡵᡳᠩᡤᡝ ᠣᡶᡳ᠈ ᠠᠪᡴᠠᡳ ᡶᠣᡵᡤᠣᠨ ᠪᡝ ᠪᠠᡩᠠᡵᠠᠮᠪᡠᠮᡝ ᠨᡝᡳᡥᡝ᠈ ᡤᡡᠨᡳᠨ ᠪᡝ ᠰᡳᡵᠠᠮᡝ ᡝᡵᡩᡝᠮᡠ ᠪᡝ ᡶᡳᠰᡝᠮᠪᡠᠮᡝ᠈ ᡧᡠ ᡳ ᡩᠠᠰᠠᠨ ᠪᡝ ᠠᠮᠪᠠᡵᠠᠮᡝ ᠰᡝᠯᡤᡳᠶᡝᡥᡝ᠉ ᡧᡳᡯᡠ ᡝᠯᡩᡝᠮᠪᡠᡥᡝ ᡥᡡᠸᠠᠩᡩᡳ᠈ ᡶᡝᡵᡤᡠᠸᡝᠴᡠᡴᡝ ᡤᡝᠩᡤᡳᠶᡝᠨ ᠴᠣᠯᡤᠣᡵᠣᠮᡝ ᡨᡠᠴᡳᡴᡝ᠈ ᠮᡝᡵᡤᡝᠨ ᠪᠠᡨᡠᡵᡠ ᠠᠪᡴᠠ ᠴᡳ ᡥᡝᠰᡝᠪᡠᡥᡝ᠈ ᡩᠠᠴᡠᠨ ᡴᡝᠩᠰᡝ᠈ ᠪᠠᠨᡳᡨᠠᡳ ᠰᠠᠯᡤᠠᠪᡠᡥᠠ ᠪᡳᠮᡝ᠈ ᡤᡠᠩᠨᡝᠴᡠᡴᡝ ᡴᡝᠮᡠᠩᡤᡝ ᡳ ᡨᡠᠸᠠᡴᡳᠶᠠᡥᠠ᠈ ᠣᠨᠴᠣ ᡤᠣᠰᡳᠨ ᡳ ᡶᡠᠨᡳᠶᠠᡤᠠᠨ ᠪᡝ ᠪᠠᡩᠠᡵᠠᠮᠪᡠᡥᠠ ᠪᡳᠮᡝ᠈ ᡴᡳᠴᡝᡵᡝ ᠵᠣᠪᠣᡵᠣ ᠪᡝ ᠠᡴᡡᠮᠪᡠᡥᠠ᠉ ᠮᡳᠨᡳ ᡝᡵᡩᡝᠮᡠ ᠨᡝᡴᡝᠯᡳᠶᡝᠨ ᠪᡝᠶᡝ᠈ ᠮᠠᡶᠠᡵᡳ ᡳ ᠠᠮᠪᠠ ᡩᠣᡵᠣ ᠪᡝ ᠠᠯᡳᡶᡳ᠈ ᠰᠣᠣᡵᡳᠨ ᡩᡝ ᡨᡝᡶᡳ ᠠᠨᡳᠶᠠ ᡤᠣᡳᡩᠠᡥᠠ᠈ ᡝᠮᡠ ᡝᡵᡳᠨ ᠰᡝᠮᡝ ᠮᠠᡶᠠᡵᡳ ᠪᡝ ᠠᠯᡥᡡᡩᠠᡵᠠ ᠪᡝ ᡤᡡᠨᡳᠨ ᡩᡝ ᡨᡝᠪᡠᡥᡝᡴᡡᠩᡤᡝ ᠠᡴᡡ᠈ ᡨᡠᡨᡨᡠ ᡤᡝᠯᡝᠮᡝ ᠣᠯᡥᠣᠮᡝ ᠪᡝᠶᡝ ᠪᡝ ᡨᡠᠸᠠᡴᡳᠶᠠᠮᡝ᠈ ᠶᠠᠮᠵᡳ ᠴᡳᠮᠠᡵᡳ ᡝᡵᡤᡝᡵᡝ ᠪᡝ ᠪᠠᡳᡵᠠᡴᡡ᠈ ᡨᡠᠮᡝᠨ ᠪᠠᡳᡨᠠ ᡳᠴᡳᡥᠣᠶᠠᡴᡡ ᡧᠣᠯᠣ ᡩᡝ᠈ ᡩᠠᠮᡠ ᠪᡳᡨᡥᡝ ᠪᡝ ᡥᡡᠯᠠᠮᡝ᠈ ᡤᡳᠶᠠᠨ ᠪᡝ ᡴᡳᠮᠴᡳᠮᡝ᠈ ᠮᡳᠨᡳ ᡤᡡᠨᡳᠨ ᠪᡝ ᠠᡴᡡᠮᠪᡠᡥᠠ᠉ ᡤᡝᠯᡳ ᠰᡠᠨᠵᠠ ᡤᡳᠩ᠈ ᠰᠶ ᡧᡠ ᠪᡳᡨᡥᡝ ᠪᡝ ᠠᡳᡶᡳᠨᡳ ᡠᠪᠠᠯᡳᠶᠠᠮᠪᡠᡥᠠ ᠴᡳ ᡨᡠᠯᡤᡳᠶᡝᠨ᠉ ᡤᡤᠠᠩ ᠮᡠ᠈ ᠵᠠᡳ ᠵᡠᡵᡤᠠᠨ ᠪᡝ ᠰᡠᡥᡝ ᠵᡝᡵᡤᡳ ᡩᠠᠰᠠᠨ ᡳ ᡩᠣᡵᠣ ᡩᡝ ᡥᠣᠯᠪᠣᠪᡠᡥᠠ ᡝᠯᡝ ᠪᡳᡨᡥᡝ ᠪᡝ ᡶᠠᠴᡳᡥᡳᠶᠠᠮᡝ ᡠᠪᠠᠯᡳᠶᠠᠮᠪᡠᡥᠠᠨᡴᡡᠩᡤᡝ ᠠᡴᡡ᠉ ᡨᡝ ᡶᡝ ᠰᠠᡴᡩᠠᠰᠠ᠈ ᠰᡝᠩᡤᡝ ᡠᡵᠰᡝ ᠸᠠᠵᡳᠮᡝ ᡥᠠᠮᡳᡵᡝ ᠵᠠᡴᠠᡩᡝ᠈ ᠨᠠᡵᡥᡡᠨ ᡤᡳᠰᡠᠨ ᠰᠣᠮᡳᠰᡥᡡᠨ ᡤᡡᠨᡳᠨ᠈ ᡠᠯᡥᡳᠶᡝᠨ | + | {{ManchuUnicode-div|ᡥᠠᠨ ᡳ ᠠᡵᠠᡥᠠ ᠮᠠᠨᠵᡠ ᡤᡳᠰᡠᠨ ᡳ ᠪᡠᠯᡝᡴᡠ ᠪᡳᡨᡥᡝᡳ ᠰᡳᠣᡳ᠉ ᠪᡳ ᡤᡡᠨᡳᠴᡳ᠈ ᠵᡠᠯᡤᡝᡳ ᡝᠨᡩᡠᡵᡳᠩᡤᡝ ᠨᡳᠶᠠᠯᠮᠠ᠈ ᡶᡠᡨᠠ ᠮᠠᠮᡦᡳᡵᡝ ᠪᡝ ᡥᠠᠯᠠᡶᡳ᠈ ᠪᡳᡨᡥᡝ ᠴᠠᡤᠠᠨ ᠪᠠᠨᠵᡳᠪᡠᡥᠠ ᠴᡳ᠈ ᠠᠪᡴᠠᡳ ᡶᡝᠵᡝᡵᡤᡳ ᠵᡠᡵᡤᠠᠨ ᡤᡳᠶᠠᠨ ᠪᡝ ᡤᡝᠮᡠ ᡧᡠ ᡥᡝᡵᡤᡝᠨᡩᡝ ᠪᠠᡴᡨᠠᠮᠪᡠᡥᠠ᠈ ᠠᠪᡴᠠᡳ ᡶᡝᠵᡝᡵᡤᡳ ᡧᡠ ᡥᡝᡵᡤᡝᠨ ᠪᡝ᠈ ᡤᡝᠮᡠ ᠨᡳᠩᡤᡠᠨ ᡥᠠᠴᡳᠨ ᡳ ᠪᡳᡨᡥᡝ ᡩᡝ ᠪᠠᡴᡨᠠᠮᠪᡠᡥᠠ᠈ ᠨᡳᠩᡤᡠᠨ ᡥᠠᠴᡳᠨ ᡳ ᠪᡳᡨᡥᡝ ᠶᠣᠩᡴᡳᠶᠠᡶᡳ᠈ ᠵᡠᡵᡤᠠᠨ ᡤᡳᠶᠠᠨ ᠶᠣᠣᠨᡳ ᠠᡴᡡᠮᠪᡠᡥᠠᡴᡡᠩᡤᡝ ᠠᡴᡡ᠉ ᠠᡳᡴᠠᠪᠠᡩᡝ ᡤᡳᠶᠠᠩᠨᠠᠮᡝ ᡠᡵᡝᠪᡠᠮᡝ ᡨᡠᠸᠠᠨᠴᡳᡥᡳᠶᠠᠮᡝ ᡤᡝᡨᡠᡴᡝᠯᡝᡵᠠᡴᡡ ᠣᠴᡳ᠈ ᠠᡵᠪᡠᠨ ᠮᡠᡩᠠᠨ ᡨᠣᠩᡴᡳ ᠵᡳᠵᡠᠨ ᡳ ᡩᡠᡵᡠᠨ ᡨᡠᡨᠠᡵᠠ ᡤᠣᠵᡳᠮᡝ᠈ ᡨᡝᡵᡝᡳ ᠵᡠᡵᡤᠠᠨ ᡝᠯᡝᡳ ᠪᡠᡵᡠᠪᡠᡵᡝ ᡩᡝ ᡳᠰᡳᠨᠠᠮᠪᡳ᠉ ᡨᠠᡳᡯᡠ ᡩᡝᡵᡤᡳ ᡥᡡᠸᠠᠩᡩᡳ᠈ ᡶᡠᡴᠵᡳᠨ ᡩᠣᡵᠣ ᡨᠠᠴᡳᡥᡳᠶᠠᠨ ᠪᡝ ᡳᠯᡳᠪᡠᠮᡝ ᠶᡝᠨᡩᡝᠪᡠᡶᡳ᠈ ᡨᡝᠨ ᡳ ᡤᠣᠰᡳᠨ᠈ ᠠᠪᡴᠠ ᠨᠠ ᡩᡝ ᠠᠴᠠᠨᠠᡥᠠ᠈ ᠮᠠᠨᠵᡠ ᠪᡳᡨᡥᡝ ᠪᡝ ᡩᡵᡳᠪᡠᠮᡝ ᠪᠠᠨᠵᡳᠪᡠᡶᡳ᠈ ᠠᠮᠪᠠ ᡧᡠ᠈ ᡧᡠᠨ ᠪᡳᠶᠠᡳ ᡤᡝᠰᡝ ᡝᠯᡩᡝᡴᡝ᠉ ᡨᠠᡳᡯᡠᠩ ᡤᡝᠩᡤᡳᠶᡝᠨ ᡧᡠ ᡥᡡᠸᠠᠩᡩᡳ᠈ ᠪᠠᠨᡳᡨᠠᡳ ᡠᠮᡝᠰᡳ ᡝᠨᡩᡠᡵᡳᠩᡤᡝ ᠣᡶᡳ᠈ ᠠᠪᡴᠠᡳ ᡶᠣᡵᡤᠣᠨ ᠪᡝ ᠪᠠᡩᠠᡵᠠᠮᠪᡠᠮᡝ ᠨᡝᡳᡥᡝ᠈ ᡤᡡᠨᡳᠨ ᠪᡝ ᠰᡳᡵᠠᠮᡝ ᡝᡵᡩᡝᠮᡠ ᠪᡝ ᡶᡳᠰᡝᠮᠪᡠᠮᡝ᠈ ᡧᡠ ᡳ ᡩᠠᠰᠠᠨ ᠪᡝ ᠠᠮᠪᠠᡵᠠᠮᡝ ᠰᡝᠯᡤᡳᠶᡝᡥᡝ᠉ ᡧᡳᡯᡠ ᡝᠯᡩᡝᠮᠪᡠᡥᡝ ᡥᡡᠸᠠᠩᡩᡳ᠈ ᡶᡝᡵᡤᡠᠸᡝᠴᡠᡴᡝ ᡤᡝᠩᡤᡳᠶᡝᠨ ᠴᠣᠯᡤᠣᡵᠣᠮᡝ ᡨᡠᠴᡳᡴᡝ᠈ ᠮᡝᡵᡤᡝᠨ ᠪᠠᡨᡠᡵᡠ ᠠᠪᡴᠠ ᠴᡳ ᡥᡝᠰᡝᠪᡠᡥᡝ᠈ ᡩᠠᠴᡠᠨ ᡴᡝᠩᠰᡝ᠈ ᠪᠠᠨᡳᡨᠠᡳ ᠰᠠᠯᡤᠠᠪᡠᡥᠠ ᠪᡳᠮᡝ᠈ ᡤᡠᠩᠨᡝᠴᡠᡴᡝ ᡴᡝᠮᡠᠩᡤᡝ ᡳ ᡨᡠᠸᠠᡴᡳᠶᠠᡥᠠ᠈ ᠣᠨᠴᠣ ᡤᠣᠰᡳᠨ ᡳ ᡶᡠᠨᡳᠶᠠᡤᠠᠨ ᠪᡝ ᠪᠠᡩᠠᡵᠠᠮᠪᡠᡥᠠ ᠪᡳᠮᡝ᠈ ᡴᡳᠴᡝᡵᡝ ᠵᠣᠪᠣᡵᠣ ᠪᡝ ᠠᡴᡡᠮᠪᡠᡥᠠ᠉ ᠮᡳᠨᡳ ᡝᡵᡩᡝᠮᡠ ᠨᡝᡴᡝᠯᡳᠶᡝᠨ ᠪᡝᠶᡝ᠈ ᠮᠠᡶᠠᡵᡳ ᡳ ᠠᠮᠪᠠ ᡩᠣᡵᠣ ᠪᡝ ᠠᠯᡳᡶᡳ᠈ ᠰᠣᠣᡵᡳᠨ ᡩᡝ ᡨᡝᡶᡳ ᠠᠨᡳᠶᠠ ᡤᠣᡳᡩᠠᡥᠠ᠈ ᡝᠮᡠ ᡝᡵᡳᠨ ᠰᡝᠮᡝ ᠮᠠᡶᠠᡵᡳ ᠪᡝ ᠠᠯᡥᡡᡩᠠᡵᠠ ᠪᡝ ᡤᡡᠨᡳᠨ ᡩᡝ ᡨᡝᠪᡠᡥᡝᡴᡡᠩᡤᡝ ᠠᡴᡡ᠈ ᡨᡠᡨᡨᡠ ᡤᡝᠯᡝᠮᡝ ᠣᠯᡥᠣᠮᡝ ᠪᡝᠶᡝ ᠪᡝ ᡨᡠᠸᠠᡴᡳᠶᠠᠮᡝ᠈ ᠶᠠᠮᠵᡳ ᠴᡳᠮᠠᡵᡳ ᡝᡵᡤᡝᡵᡝ ᠪᡝ ᠪᠠᡳᡵᠠᡴᡡ᠈ ᡨᡠᠮᡝᠨ ᠪᠠᡳᡨᠠ ᡳᠴᡳᡥᠣᠶᠠᡴᡡ ᡧᠣᠯᠣ ᡩᡝ᠈ ᡩᠠᠮᡠ ᠪᡳᡨᡥᡝ ᠪᡝ ᡥᡡᠯᠠᠮᡝ᠈ ᡤᡳᠶᠠᠨ ᠪᡝ ᡴᡳᠮᠴᡳᠮᡝ᠈ ᠮᡳᠨᡳ ᡤᡡᠨᡳᠨ ᠪᡝ ᠠᡴᡡᠮᠪᡠᡥᠠ᠉ ᡤᡝᠯᡳ ᠰᡠᠨᠵᠠ ᡤᡳᠩ᠈ ᠰᠶ ᡧᡠ ᠪᡳᡨᡥᡝ ᠪᡝ ᠠᡳᡶᡳᠨᡳ ᡠᠪᠠᠯᡳᠶᠠᠮᠪᡠᡥᠠ ᠴᡳ ᡨᡠᠯᡤᡳᠶᡝᠨ᠉ ᡤᡤᠠᠩ ᠮᡠ᠈ ᠵᠠᡳ ᠵᡠᡵᡤᠠᠨ ᠪᡝ ᠰᡠᡥᡝ ᠵᡝᡵᡤᡳ ᡩᠠᠰᠠᠨ ᡳ ᡩᠣᡵᠣ ᡩᡝ ᡥᠣᠯᠪᠣᠪᡠᡥᠠ ᡝᠯᡝ ᠪᡳᡨᡥᡝ ᠪᡝ ᡶᠠᠴᡳᡥᡳᠶᠠᠮᡝ ᡠᠪᠠᠯᡳᠶᠠᠮᠪᡠᡥᠠᠨᡴᡡᠩᡤᡝ ᠠᡴᡡ᠉ ᡨᡝ ᡶᡝ ᠰᠠᡴᡩᠠᠰᠠ᠈ ᠰᡝᠩᡤᡝ ᡠᡵᠰᡝ ᠸᠠᠵᡳᠮᡝ ᡥᠠᠮᡳᡵᡝ ᠵᠠᡴᠠᡩᡝ᠈ ᠨᠠᡵᡥᡡᠨ ᡤᡳᠰᡠᠨ ᠰᠣᠮᡳᠰᡥᡡᠨ ᡤᡡᠨᡳᠨ᠈ ᡠᠯᡥᡳᠶᡝᠨ ᡳ ᡳᠯᡝᡨᡠ ᠠᡴᡡ ᠣᠮᠪᡳ᠈ ᡨᠠᡧᠠᡵᠠᠪᡠᡥᠠ ᠪᡝ ᡩᠠᡥᠠᠯᠠᠮᡝ᠈ ᠸᠠᡴᠠ ᠪᡝ ᠰᠣᠩᡤᠣᠯᠣᡶᡳ᠈ ᡨᠠᠴᡳᠨ ᠪᠠᠨᠵᡳᠨᠠᠮᡝ ᡴᡳᠮᠴᡳᡵᠠᡴᡡ ᠣᡶᡳ᠈ ᡝᠮᡝᠮᡠ ᡤᡳᠰᡠᠨ ᡥᡝᡵᡤᡝᠨ ᠸᠠᠯᡳᠶᠠᠪᡠᡥᠠᠩᡤᡝ ᠪᡳᠮᠪᡳᠮᡝ᠈ ᠮᡠᡩᠠᠨ ᡤᠠᡳᡵᡝᠩᡤᡝ ᡨᠣᠪ ᠠᡴᡡ ᡩᡝ ᡳᠰᡳᠨᠠᡥᠠᠪᡳ᠉ ᡤᡠᡵᡠᠨ ᡳ ᠪᡳᡨᡥᡝ ᡥᠣᠯᠪᠣᠪᡠᡥᠠᠩᡤᡝ ᡠᠮᡝᠰᡳ ᠣᠶᠣᠩᡤᠣ᠈ ᡩᠠᠰᠠᠨ ᡳ ᠪᠠᡳᡨᠠ᠈ ᡧᡠ ᠶᠠᠩᠰᡝ ᡤᡝᠮᡠ ᠠᡵᠠᠴᡳ ᡨᡠᠴᡳᡵᡝ ᠪᡝ ᡩᠠᡥᠠᠮᡝ᠈ ᠨᠠᡵᡥᡡᡧᠠᠮᡝ ᡴᡳᠮᠴᡳᠮᡝ ᡤᡝᡨᡠᡴᡝᠯᡝᠮᡝ ᡨᠣᡴᡨᠣᠪᡠᡵᠠᡴᡡ ᠣᠴᡳ᠈ ᠠᡳᠪᡝ ᡩᠠᡥᠠᠮᡝ ᠶᠠᠪᡠᠮᠪᡳ᠉ ᡧᠠᠩᡤᠠᠪᡠᠮᡝ ᠪᠠᡵᡤᡳᠶᠠᠮᡝ ᠪᡳᡨᡥᡝ ᠪᠠᠨᠵᡳᡵᠠᡴᡡ ᠣᠴᡳ᠈ ᠠᡳᠪᡝ ᡩᡠᡵᡠᠨ ᠣᠪᡠᠮᠪᡳ᠉ ᡨᡠᡨᡨᡠ ᠪᡳᡨᡥᡝᡳ ᡥᠠᡶᠠᠰᠠ ᡩᡝ ᡥᡝᠰᡝ ᠸᠠᠰᡳᠮᠪᡠᡶᡳ᠈ ᡥᠠᠴᡳᠨ ᠪᡝ ᡶᠠᡴᠰᠠᠯᠠᠮᡝ ᠮᡝᠶᡝᠨ ᠪᠠᠨᠵᡳᠪᡠᠮᡝ᠈ ᡳᠨᡝᠩᡤᡳᡩᠠᡵᡳ ᠵᡳᠰᡝᠯᡝᠮᡝ ᠠᡵᠠᠪᡠᡶᡳ ᡨᡠᠸᠠᠪᡠᠮᡝ ᠸᡝᠰᡝᠮᠪᡠᠪᡠᡶᡳ᠈ ᠮᡳᠨᡳ ᠪᡝᠶᡝ ᡶᡠᠯᡤᡳᠶᠠᠨ ᡶᡳ ᡳ ᡝᠮᡴᡝ ᡝᠮᡴᡝᠨ ᡳ ᡴᡳᠮᠴᡳᠮᡝ ᡩᠠᠰᡩᠠᡥᠠ᠉ ᠰᡠᡥᡝ ᡤᡳᠰᡠᠨ ᡩᡝ ᡴᡝᠨᡝᡥᡠᠨᠵᡝᠴᡠᡴᡝ ᠵᡝᠯᡝᠨ ᠪᠠ ᠪᡳᠴᡳ᠈ ᡠᡵᡠᠨᠠᡴᡡ ᠠᡩᠠᠯᡳ ᠠᠨᠴᡠ ᠪᡝ ᡶᡠᠨᡳᠶᡝᡥᡝ ᡳᠴᡳᡥᡳ ᠴᡳ ᡳᠯᡤᠠᠮᡝ᠈ ᠶᠠᡵᡠᡥᠠ ᡤᡳᠰᡠᠨ ᡩᡝ ᠮᡝᠯᡝᠪᡠᡥᡝ ᡝᡩᡝᠨ ᠪᠠ ᠪᡳᠴᡳ᠈ ᡠᡵᡠᠨᠠᡴᡡ ᡤᡳᠩ ᠰᡠᡩᡠᡵᡳ ᡩᡝ ᠨᡳᡴᡝᠪᡠᡶᡳ ᡨᡝᠮᡤᡝᡨᡠ ᠣᠪᡠᠮᡝ᠈ ᡝᡳᠴᡳ ᡶᡝ ᠰᠠᡴᡩᠠᠰᠠ ᡩᡝ ᠠᠨᠠᠮᡝ ᡶᠣᠨᠵᡳᠮᡝ᠈ ᡝᡳᠴᡳ ᠵᡠᠯᡤᡝᡳ ᡩᠠᠩᠰᡝ ᡩᡝ ᡴᡳᠮᠴᡳᠮᡝ ᠪᠠᡳᠴᠠᠮᡝ ᠠᠮᠪᠠ ᠣᠴᡳ ᠠᠪᡴᠠᡳ ᡧᡠ᠈ ᠨᠠ ᡳ ᡤᡳᠶᠠᠨ᠈ ᠠᠵᡳᡤᡝ ᠣᠴᡳ ᡤᡝᠪᡠ᠈ ᠵᠠᡴᠠ᠈ ᠠᡵᠪᡠᠨ ᡨᠣᠨ᠈ ᠵᠠᡳ ᠵᡠᠸᠠᠨ ᠵᡠᠸᡝ ᡠᠵᡠ᠈ ᠰᡠᠨᠵᠠ ᠵᡳᠯᡤᠠᠨ᠈ ᡝᡧᡝᠮᡝ ᠠᠴᠠᠪᡠᡵᡝ ᠮᡠᡩᠠᠨ ᠪᡝ᠈ ᡤᡝᠮᡠ ᠶᠣᠩᡴᡳᠶᠠᠮᡝ ᡩᠣᠰᡳᠮᠪᡠᠮᡝ ᠠᡵᠠᡶᡳ᠈ ᠮᠠᠨᠵᡠ ᡤᡳᠰᡠᠨ ᡳ ᠪᡠᠯᡝᡴᡠ ᠪᡳᡨᡥᡝ ᠰᡝᠮᡝ ᡤᡝᠪᡠᠯᡝᡥᡝ᠉ ᠵᡳᠯᡤᠠᠨ ᠮᡠᡩᠠᠨ ᡳ ᡶᡠᠯᡝᡥᡝ ᠰᡝᡴᡳᠶᡝᠨ ᠪᡝ ᠪᠠᡳᠮᡝ᠈ ᡥᡝᡵᡤᡝᠨ ᠵᡳᠵᡠᠨ ᡳ ᡶᡝᡵᡝ ᡩᠠ ᠪᡝ ᡥᡝᠴᡝᠮᡝ᠈ ᡠᡥᡝᡵᡳ ᡧᠣᡧᠣᡥᠣᠨ ᡤᡡᠰᡳᠨ ᠨᡳᠩᡤᡠᠨ᠈ ᡥᠠᠴᡳᠨ ᠵᡠᠸᡝ ᡨᠠᠩᡤᡡ ᠵᠠᡴᡡᠨᠵᡠ᠈ ᡩᡝᠪᡨᡝᠯᡳᠨ ᠣᡵᡳᠨ ᡝᠮᡠ ᠪᡝ ᠪᠠᠨᠵᡳᠪᡠᡶᡳ᠈ ᠮᠠᠨᠵᡠ ᡤᡳᠰᡠᠨ ᠪᡝ ᡝᡵᡝᠴᡳ ᠮᡝᠯᡝᠪᡠᡵᡝ ᠪᡠᡵᡠᠪᡠᡵᡝ ᡩᡝ ᡳᠰᡳᠨᠠᡵᠠᡴᡡ ᠣᠪᡠᡥᠠ᠉ ᡝᡵᡝ ᠴᠣᡥᠣᠮᡝ ᠮᠠᡶᠠᡵᡳ ᡝᡵᡩᡝᠮᡠ ᡳ ᠰᡝᡴᡳᠶᡝᠨ ᡝᠶᡝᠨ ᠪᡝ ᡳᠯᡝᡨᡠᠯᡝᡵᡝ᠈ ᡶᡠᠯᡝᡥᡝ ᠪᡝ ᡤᡳᠩᡤᡠᠯᡝᡵᡝ ᡧᡠᠮᡳᠨ ᡤᡡᠨᡳᠨ ᡴᠠᡳ᠉ ᡳ ᡤᡳᠩ ᠪᡳᡨᡥᡝᡩᡝ ᡥᡝᠨᡩᡠᡥᡝᠩᡤᡝ᠈ ᠨᡳᠶᠠᠯᠮᠠᡳ ᡧᡠ ᠪᡝ ᡨᡠᠸᠠᠮᡝ᠈ ᠠᠪᡴᠠᡳ ᡶᡝᠵᡝᡵᡤᡳ ᠪᡝ ᡶᡝᠮᠪᡠᠮᡝ ᡥᡡᠸᠠᡧᠠᠪᡠᠮᠪᡳ ᠰᡝᡥᡝᠪᡳ᠉ ᠪᡳ᠈ ᠮᠠᡶᠠᡵᡳ ᡶᡠᡴᠵᡳᠨ ᡨᠣᡴᡨᠣᠪᡠᡥᠠ ᠠᠮᠪᠠ ᠪᠣᡩᠣᡤᠣᠨ ᡩᡝ ᡤᡳᠩᡤᡠᠯᡝᠮᡝ ᠠᠴᠠᠪᡠᠮᡝ᠈ ᡤᡠᡵᡠᠨ ᠪᠣᠣ ᡩᡝ ᡥᡝᡵᡤᡝᠨ ᠪᡝ ᡝᠮᡠ ᠣᠪᡠᡵᡝ ᠸᡝᠰᡳᡥᡠᠨ ᡴᠣᠣᠯᡳ ᠪᡝ ᠰᡳᡨᡥᡡᡶᡳ ᡴᡳᠴᡝᠮᡝ᠈ ᡠᡩᡠᡩᡠ ᠠᠨᡳᠶᠠ ᠣᡶᡳ ᡨᡝᠨᡳ ᡤᡠᠯᡥᡠᠨ ᠶᠣᡴᡳ ᠣᠪᡠᠮᡝ ᡧᠠᠩᡤᠠᠪᡠᡥᠠ᠉ ᡝᡵᡝ ᠪᡳᡨᡥᡝ ᠪᡝ ᡨᠠᠴᡳᡵᡝ ᡠᡵᠰᡝ᠈ ᠮᡳᠨᡳ ᡠᡨᠠᠯᠠ ᠠᠨᡳᠶᠠ ᡴᡳᠴᡝᡥᡝ ᠵᠣᠪᠣᡥᠣ ᡩᡝ ᠠᠴᠠᠪᡠᠮᡝ᠈ ᠵᡳᠯᡤᠠᠨ ᠮᡠᡩᠠᠨ ᠴᡳ ᡥᡝᡵᡤᡝᠨ ᠵᡳᠵᡠᠨ ᠪᡝ ᠪᠠᡳᡵᡝ᠈ ᡥᡝᡵᡤᡝᠨ ᠵᡳᠵᡠᠨ ᠴᡳ ᡧᡠ ᠶᠠᠩᠰᡝ ᠪᡝ ᠪᠠᡳᡵᡝ ᠣᠴᡳ ᠠᠴᠠᠮᠪᡳ᠉ ᡝᡵᡝᠴᡳ ᠠᠮᠠᠰᡳ᠈ ᠶᠠᠶᠠ ᡥᡝᠰᡝ ᠪᡝ ᠰᡝᠯᡤᡳᠶᡝᡵᡝ᠈ ᠪᡳᡨᡥᡝ ᠸᡝᠰᡳᠮᠪᡠᡵᡝ᠈ ᠵᠠᡳ ᡤᠣᡵᠣᡴᡳ ᠪᠠᡩᡝ ᡥᠠᡶᡠᠮᠪᡠᡵᡝ᠈ ᡝᠯᡩᡝᠩᡤᡝ ᠸᡝᡥᡝ ᡩᡝ ᡶᠣᠯᠣᡵᠣ᠈ ᠠᠮᠪᠠ ᡩᠣᡵᠣ᠈ ᠠᠮᠪᠠ ᡴᠣᠣᠯᡳ ᡩᡝ᠈ ᡤᡝᠮᡠ ᠰᠣᠩᡴᠣᠯᠣᡵᠣ ᡨᡝᠮᡤᡝᡨᡠ ᠪᡝ ᠪᠠᡥᠠᡵᠠ᠈ ᡝᠮᡠ ᡤᡳᠰᡠᠨ᠈ ᡝᠮᡠ ᡤᡡᠨᡳᠨ ᠰᡝᠮᡝ᠈ ᠶᠣᠣᠨᡳ ᡩᡠᡵᡠᠨ ᡨᡠᠸᠠᡴᡡ ᠪᡳᠰᡳᡵᡝ ᠪᡝ ᡩᠠᡥᠠᠮᡝ᠈ ᡤᡠᡵᡠᠨ ᡳ ᠪᡳᡨᡥᡝ ᠮᡳᠩᡤᠠᠨ ᡨᠠᠩᡤᡡ ᠵᠠᠯᠠᠨ ᡩᡝ ᡝᠨᡨᡝᡥᡝᠮᡝ ᡨᡠᡨᠠᡶᡳ ᡧᡠᠨ ᡠᠰᡳᡥᠠ᠈ ᠰᡠᠩᡤᠠᡵᡳ ᠪᡳᡵᠠᡳ ᡤᡝᠰᡝ ᠠᠪᡴᠠ ᠨᠠ ᡳ ᠰᡳᡩᡝᠨᡩᡝ ᡝᠨᡨᡝᡥᡝᠮᡝ ᡨᡠᡨᠠᠮᠪᡳ ᡩᡝᡵᡝ᠉ ᡝᠯᡥᡝ ᡨᠠᡳᡶᡳᠨ ᡳ ᡩᡝᡥᡳ ᠨᠠᡩᠠᠴᡳ ᠠᠨᡳᠶᠠ ᠨᡳᠩᡤᡠᠨ ᠪᡳᠶᠠᡳ ᠣᡵᡳᠨ ᠵᡠᠸᡝ᠉ }} |
2017年5月5日 (五) 02:01的最新版本
ᡥᠠᠨ ᡳ ᠠᡵᠠᡥᠠ ᠮᠠᠨᠵᡠ ᡤᡳᠰᡠᠨ ᡳ ᠪᡠᠯᡝᡴᡠ ᠪᡳᡨᡥᡝᡳ ᠰᡳᠣᡳ᠉ ᠪᡳ ᡤᡡᠨᡳᠴᡳ᠈ ᠵᡠᠯᡤᡝᡳ ᡝᠨᡩᡠᡵᡳᠩᡤᡝ ᠨᡳᠶᠠᠯᠮᠠ᠈ ᡶᡠᡨᠠ ᠮᠠᠮᡦᡳᡵᡝ ᠪᡝ ᡥᠠᠯᠠᡶᡳ᠈ ᠪᡳᡨᡥᡝ ᠴᠠᡤᠠᠨ ᠪᠠᠨᠵᡳᠪᡠᡥᠠ ᠴᡳ᠈ ᠠᠪᡴᠠᡳ ᡶᡝᠵᡝᡵᡤᡳ ᠵᡠᡵᡤᠠᠨ ᡤᡳᠶᠠᠨ ᠪᡝ ᡤᡝᠮᡠ ᡧᡠ ᡥᡝᡵᡤᡝᠨᡩᡝ ᠪᠠᡴᡨᠠᠮᠪᡠᡥᠠ᠈ ᠠᠪᡴᠠᡳ ᡶᡝᠵᡝᡵᡤᡳ ᡧᡠ ᡥᡝᡵᡤᡝᠨ ᠪᡝ᠈ ᡤᡝᠮᡠ ᠨᡳᠩᡤᡠᠨ ᡥᠠᠴᡳᠨ ᡳ ᠪᡳᡨᡥᡝ ᡩᡝ ᠪᠠᡴᡨᠠᠮᠪᡠᡥᠠ᠈ ᠨᡳᠩᡤᡠᠨ ᡥᠠᠴᡳᠨ ᡳ ᠪᡳᡨᡥᡝ ᠶᠣᠩᡴᡳᠶᠠᡶᡳ᠈ ᠵᡠᡵᡤᠠᠨ ᡤᡳᠶᠠᠨ ᠶᠣᠣᠨᡳ ᠠᡴᡡᠮᠪᡠᡥᠠᡴᡡᠩᡤᡝ ᠠᡴᡡ᠉ ᠠᡳᡴᠠᠪᠠᡩᡝ ᡤᡳᠶᠠᠩᠨᠠᠮᡝ ᡠᡵᡝᠪᡠᠮᡝ ᡨᡠᠸᠠᠨᠴᡳᡥᡳᠶᠠᠮᡝ ᡤᡝᡨᡠᡴᡝᠯᡝᡵᠠᡴᡡ ᠣᠴᡳ᠈ ᠠᡵᠪᡠᠨ ᠮᡠᡩᠠᠨ ᡨᠣᠩᡴᡳ ᠵᡳᠵᡠᠨ ᡳ ᡩᡠᡵᡠᠨ ᡨᡠᡨᠠᡵᠠ ᡤᠣᠵᡳᠮᡝ᠈ ᡨᡝᡵᡝᡳ ᠵᡠᡵᡤᠠᠨ ᡝᠯᡝᡳ ᠪᡠᡵᡠᠪᡠᡵᡝ ᡩᡝ ᡳᠰᡳᠨᠠᠮᠪᡳ᠉ ᡨᠠᡳᡯᡠ ᡩᡝᡵᡤᡳ ᡥᡡᠸᠠᠩᡩᡳ᠈ ᡶᡠᡴᠵᡳᠨ ᡩᠣᡵᠣ ᡨᠠᠴᡳᡥᡳᠶᠠᠨ ᠪᡝ ᡳᠯᡳᠪᡠᠮᡝ ᠶᡝᠨᡩᡝᠪᡠᡶᡳ᠈ ᡨᡝᠨ ᡳ ᡤᠣᠰᡳᠨ᠈ ᠠᠪᡴᠠ ᠨᠠ ᡩᡝ ᠠᠴᠠᠨᠠᡥᠠ᠈ ᠮᠠᠨᠵᡠ ᠪᡳᡨᡥᡝ ᠪᡝ ᡩᡵᡳᠪᡠᠮᡝ ᠪᠠᠨᠵᡳᠪᡠᡶᡳ᠈ ᠠᠮᠪᠠ ᡧᡠ᠈ ᡧᡠᠨ ᠪᡳᠶᠠᡳ ᡤᡝᠰᡝ ᡝᠯᡩᡝᡴᡝ᠉ ᡨᠠᡳᡯᡠᠩ ᡤᡝᠩᡤᡳᠶᡝᠨ ᡧᡠ ᡥᡡᠸᠠᠩᡩᡳ᠈ ᠪᠠᠨᡳᡨᠠᡳ ᡠᠮᡝᠰᡳ ᡝᠨᡩᡠᡵᡳᠩᡤᡝ ᠣᡶᡳ᠈ ᠠᠪᡴᠠᡳ ᡶᠣᡵᡤᠣᠨ ᠪᡝ ᠪᠠᡩᠠᡵᠠᠮᠪᡠᠮᡝ ᠨᡝᡳᡥᡝ᠈ ᡤᡡᠨᡳᠨ ᠪᡝ ᠰᡳᡵᠠᠮᡝ ᡝᡵᡩᡝᠮᡠ ᠪᡝ ᡶᡳᠰᡝᠮᠪᡠᠮᡝ᠈ ᡧᡠ ᡳ ᡩᠠᠰᠠᠨ ᠪᡝ ᠠᠮᠪᠠᡵᠠᠮᡝ ᠰᡝᠯᡤᡳᠶᡝᡥᡝ᠉ ᡧᡳᡯᡠ ᡝᠯᡩᡝᠮᠪᡠᡥᡝ ᡥᡡᠸᠠᠩᡩᡳ᠈ ᡶᡝᡵᡤᡠᠸᡝᠴᡠᡴᡝ ᡤᡝᠩᡤᡳᠶᡝᠨ ᠴᠣᠯᡤᠣᡵᠣᠮᡝ ᡨᡠᠴᡳᡴᡝ᠈ ᠮᡝᡵᡤᡝᠨ ᠪᠠᡨᡠᡵᡠ ᠠᠪᡴᠠ ᠴᡳ ᡥᡝᠰᡝᠪᡠᡥᡝ᠈ ᡩᠠᠴᡠᠨ ᡴᡝᠩᠰᡝ᠈ ᠪᠠᠨᡳᡨᠠᡳ ᠰᠠᠯᡤᠠᠪᡠᡥᠠ ᠪᡳᠮᡝ᠈ ᡤᡠᠩᠨᡝᠴᡠᡴᡝ ᡴᡝᠮᡠᠩᡤᡝ ᡳ ᡨᡠᠸᠠᡴᡳᠶᠠᡥᠠ᠈ ᠣᠨᠴᠣ ᡤᠣᠰᡳᠨ ᡳ ᡶᡠᠨᡳᠶᠠᡤᠠᠨ ᠪᡝ ᠪᠠᡩᠠᡵᠠᠮᠪᡠᡥᠠ ᠪᡳᠮᡝ᠈ ᡴᡳᠴᡝᡵᡝ ᠵᠣᠪᠣᡵᠣ ᠪᡝ ᠠᡴᡡᠮᠪᡠᡥᠠ᠉ ᠮᡳᠨᡳ ᡝᡵᡩᡝᠮᡠ ᠨᡝᡴᡝᠯᡳᠶᡝᠨ ᠪᡝᠶᡝ᠈ ᠮᠠᡶᠠᡵᡳ ᡳ ᠠᠮᠪᠠ ᡩᠣᡵᠣ ᠪᡝ ᠠᠯᡳᡶᡳ᠈ ᠰᠣᠣᡵᡳᠨ ᡩᡝ ᡨᡝᡶᡳ ᠠᠨᡳᠶᠠ ᡤᠣᡳᡩᠠᡥᠠ᠈ ᡝᠮᡠ ᡝᡵᡳᠨ ᠰᡝᠮᡝ ᠮᠠᡶᠠᡵᡳ ᠪᡝ ᠠᠯᡥᡡᡩᠠᡵᠠ ᠪᡝ ᡤᡡᠨᡳᠨ ᡩᡝ ᡨᡝᠪᡠᡥᡝᡴᡡᠩᡤᡝ ᠠᡴᡡ᠈ ᡨᡠᡨᡨᡠ ᡤᡝᠯᡝᠮᡝ ᠣᠯᡥᠣᠮᡝ ᠪᡝᠶᡝ ᠪᡝ ᡨᡠᠸᠠᡴᡳᠶᠠᠮᡝ᠈ ᠶᠠᠮᠵᡳ ᠴᡳᠮᠠᡵᡳ ᡝᡵᡤᡝᡵᡝ ᠪᡝ ᠪᠠᡳᡵᠠᡴᡡ᠈ ᡨᡠᠮᡝᠨ ᠪᠠᡳᡨᠠ ᡳᠴᡳᡥᠣᠶᠠᡴᡡ ᡧᠣᠯᠣ ᡩᡝ᠈ ᡩᠠᠮᡠ ᠪᡳᡨᡥᡝ ᠪᡝ ᡥᡡᠯᠠᠮᡝ᠈ ᡤᡳᠶᠠᠨ ᠪᡝ ᡴᡳᠮᠴᡳᠮᡝ᠈ ᠮᡳᠨᡳ ᡤᡡᠨᡳᠨ ᠪᡝ ᠠᡴᡡᠮᠪᡠᡥᠠ᠉ ᡤᡝᠯᡳ ᠰᡠᠨᠵᠠ ᡤᡳᠩ᠈ ᠰᠶ ᡧᡠ ᠪᡳᡨᡥᡝ ᠪᡝ ᠠᡳᡶᡳᠨᡳ ᡠᠪᠠᠯᡳᠶᠠᠮᠪᡠᡥᠠ ᠴᡳ ᡨᡠᠯᡤᡳᠶᡝᠨ᠉ ᡤᡤᠠᠩ ᠮᡠ᠈ ᠵᠠᡳ ᠵᡠᡵᡤᠠᠨ ᠪᡝ ᠰᡠᡥᡝ ᠵᡝᡵᡤᡳ ᡩᠠᠰᠠᠨ ᡳ ᡩᠣᡵᠣ ᡩᡝ ᡥᠣᠯᠪᠣᠪᡠᡥᠠ ᡝᠯᡝ ᠪᡳᡨᡥᡝ ᠪᡝ ᡶᠠᠴᡳᡥᡳᠶᠠᠮᡝ ᡠᠪᠠᠯᡳᠶᠠᠮᠪᡠᡥᠠᠨᡴᡡᠩᡤᡝ ᠠᡴᡡ᠉ ᡨᡝ ᡶᡝ ᠰᠠᡴᡩᠠᠰᠠ᠈ ᠰᡝᠩᡤᡝ ᡠᡵᠰᡝ ᠸᠠᠵᡳᠮᡝ ᡥᠠᠮᡳᡵᡝ ᠵᠠᡴᠠᡩᡝ᠈ ᠨᠠᡵᡥᡡᠨ ᡤᡳᠰᡠᠨ ᠰᠣᠮᡳᠰᡥᡡᠨ ᡤᡡᠨᡳᠨ᠈ ᡠᠯᡥᡳᠶᡝᠨ ᡳ ᡳᠯᡝᡨᡠ ᠠᡴᡡ ᠣᠮᠪᡳ᠈ ᡨᠠᡧᠠᡵᠠᠪᡠᡥᠠ ᠪᡝ ᡩᠠᡥᠠᠯᠠᠮᡝ᠈ ᠸᠠᡴᠠ ᠪᡝ ᠰᠣᠩᡤᠣᠯᠣᡶᡳ᠈ ᡨᠠᠴᡳᠨ ᠪᠠᠨᠵᡳᠨᠠᠮᡝ ᡴᡳᠮᠴᡳᡵᠠᡴᡡ ᠣᡶᡳ᠈ ᡝᠮᡝᠮᡠ ᡤᡳᠰᡠᠨ ᡥᡝᡵᡤᡝᠨ ᠸᠠᠯᡳᠶᠠᠪᡠᡥᠠᠩᡤᡝ ᠪᡳᠮᠪᡳᠮᡝ᠈ ᠮᡠᡩᠠᠨ ᡤᠠᡳᡵᡝᠩᡤᡝ ᡨᠣᠪ ᠠᡴᡡ ᡩᡝ ᡳᠰᡳᠨᠠᡥᠠᠪᡳ᠉ ᡤᡠᡵᡠᠨ ᡳ ᠪᡳᡨᡥᡝ ᡥᠣᠯᠪᠣᠪᡠᡥᠠᠩᡤᡝ ᡠᠮᡝᠰᡳ ᠣᠶᠣᠩᡤᠣ᠈ ᡩᠠᠰᠠᠨ ᡳ ᠪᠠᡳᡨᠠ᠈ ᡧᡠ ᠶᠠᠩᠰᡝ ᡤᡝᠮᡠ ᠠᡵᠠᠴᡳ ᡨᡠᠴᡳᡵᡝ ᠪᡝ ᡩᠠᡥᠠᠮᡝ᠈ ᠨᠠᡵᡥᡡᡧᠠᠮᡝ ᡴᡳᠮᠴᡳᠮᡝ ᡤᡝᡨᡠᡴᡝᠯᡝᠮᡝ ᡨᠣᡴᡨᠣᠪᡠᡵᠠᡴᡡ ᠣᠴᡳ᠈ ᠠᡳᠪᡝ ᡩᠠᡥᠠᠮᡝ ᠶᠠᠪᡠᠮᠪᡳ᠉ ᡧᠠᠩᡤᠠᠪᡠᠮᡝ ᠪᠠᡵᡤᡳᠶᠠᠮᡝ ᠪᡳᡨᡥᡝ ᠪᠠᠨᠵᡳᡵᠠᡴᡡ ᠣᠴᡳ᠈ ᠠᡳᠪᡝ ᡩᡠᡵᡠᠨ ᠣᠪᡠᠮᠪᡳ᠉ ᡨᡠᡨᡨᡠ ᠪᡳᡨᡥᡝᡳ ᡥᠠᡶᠠᠰᠠ ᡩᡝ ᡥᡝᠰᡝ ᠸᠠᠰᡳᠮᠪᡠᡶᡳ᠈ ᡥᠠᠴᡳᠨ ᠪᡝ ᡶᠠᡴᠰᠠᠯᠠᠮᡝ ᠮᡝᠶᡝᠨ ᠪᠠᠨᠵᡳᠪᡠᠮᡝ᠈ ᡳᠨᡝᠩᡤᡳᡩᠠᡵᡳ ᠵᡳᠰᡝᠯᡝᠮᡝ ᠠᡵᠠᠪᡠᡶᡳ ᡨᡠᠸᠠᠪᡠᠮᡝ ᠸᡝᠰᡝᠮᠪᡠᠪᡠᡶᡳ᠈ ᠮᡳᠨᡳ ᠪᡝᠶᡝ ᡶᡠᠯᡤᡳᠶᠠᠨ ᡶᡳ ᡳ ᡝᠮᡴᡝ ᡝᠮᡴᡝᠨ ᡳ ᡴᡳᠮᠴᡳᠮᡝ ᡩᠠᠰᡩᠠᡥᠠ᠉ ᠰᡠᡥᡝ ᡤᡳᠰᡠᠨ ᡩᡝ ᡴᡝᠨᡝᡥᡠᠨᠵᡝᠴᡠᡴᡝ ᠵᡝᠯᡝᠨ ᠪᠠ ᠪᡳᠴᡳ᠈ ᡠᡵᡠᠨᠠᡴᡡ ᠠᡩᠠᠯᡳ ᠠᠨᠴᡠ ᠪᡝ ᡶᡠᠨᡳᠶᡝᡥᡝ ᡳᠴᡳᡥᡳ ᠴᡳ ᡳᠯᡤᠠᠮᡝ᠈ ᠶᠠᡵᡠᡥᠠ ᡤᡳᠰᡠᠨ ᡩᡝ ᠮᡝᠯᡝᠪᡠᡥᡝ ᡝᡩᡝᠨ ᠪᠠ ᠪᡳᠴᡳ᠈ ᡠᡵᡠᠨᠠᡴᡡ ᡤᡳᠩ ᠰᡠᡩᡠᡵᡳ ᡩᡝ ᠨᡳᡴᡝᠪᡠᡶᡳ ᡨᡝᠮᡤᡝᡨᡠ ᠣᠪᡠᠮᡝ᠈ ᡝᡳᠴᡳ ᡶᡝ ᠰᠠᡴᡩᠠᠰᠠ ᡩᡝ ᠠᠨᠠᠮᡝ ᡶᠣᠨᠵᡳᠮᡝ᠈ ᡝᡳᠴᡳ ᠵᡠᠯᡤᡝᡳ ᡩᠠᠩᠰᡝ ᡩᡝ ᡴᡳᠮᠴᡳᠮᡝ ᠪᠠᡳᠴᠠᠮᡝ ᠠᠮᠪᠠ ᠣᠴᡳ ᠠᠪᡴᠠᡳ ᡧᡠ᠈ ᠨᠠ ᡳ ᡤᡳᠶᠠᠨ᠈ ᠠᠵᡳᡤᡝ ᠣᠴᡳ ᡤᡝᠪᡠ᠈ ᠵᠠᡴᠠ᠈ ᠠᡵᠪᡠᠨ ᡨᠣᠨ᠈ ᠵᠠᡳ ᠵᡠᠸᠠᠨ ᠵᡠᠸᡝ ᡠᠵᡠ᠈ ᠰᡠᠨᠵᠠ ᠵᡳᠯᡤᠠᠨ᠈ ᡝᡧᡝᠮᡝ ᠠᠴᠠᠪᡠᡵᡝ ᠮᡠᡩᠠᠨ ᠪᡝ᠈ ᡤᡝᠮᡠ ᠶᠣᠩᡴᡳᠶᠠᠮᡝ ᡩᠣᠰᡳᠮᠪᡠᠮᡝ ᠠᡵᠠᡶᡳ᠈ ᠮᠠᠨᠵᡠ ᡤᡳᠰᡠᠨ ᡳ ᠪᡠᠯᡝᡴᡠ ᠪᡳᡨᡥᡝ ᠰᡝᠮᡝ ᡤᡝᠪᡠᠯᡝᡥᡝ᠉ ᠵᡳᠯᡤᠠᠨ ᠮᡠᡩᠠᠨ ᡳ ᡶᡠᠯᡝᡥᡝ ᠰᡝᡴᡳᠶᡝᠨ ᠪᡝ ᠪᠠᡳᠮᡝ᠈ ᡥᡝᡵᡤᡝᠨ ᠵᡳᠵᡠᠨ ᡳ ᡶᡝᡵᡝ ᡩᠠ ᠪᡝ ᡥᡝᠴᡝᠮᡝ᠈ ᡠᡥᡝᡵᡳ ᡧᠣᡧᠣᡥᠣᠨ ᡤᡡᠰᡳᠨ ᠨᡳᠩᡤᡠᠨ᠈ ᡥᠠᠴᡳᠨ ᠵᡠᠸᡝ ᡨᠠᠩᡤᡡ ᠵᠠᡴᡡᠨᠵᡠ᠈ ᡩᡝᠪᡨᡝᠯᡳᠨ ᠣᡵᡳᠨ ᡝᠮᡠ ᠪᡝ ᠪᠠᠨᠵᡳᠪᡠᡶᡳ᠈ ᠮᠠᠨᠵᡠ ᡤᡳᠰᡠᠨ ᠪᡝ ᡝᡵᡝᠴᡳ ᠮᡝᠯᡝᠪᡠᡵᡝ ᠪᡠᡵᡠᠪᡠᡵᡝ ᡩᡝ ᡳᠰᡳᠨᠠᡵᠠᡴᡡ ᠣᠪᡠᡥᠠ᠉ ᡝᡵᡝ ᠴᠣᡥᠣᠮᡝ ᠮᠠᡶᠠᡵᡳ ᡝᡵᡩᡝᠮᡠ ᡳ ᠰᡝᡴᡳᠶᡝᠨ ᡝᠶᡝᠨ ᠪᡝ ᡳᠯᡝᡨᡠᠯᡝᡵᡝ᠈ ᡶᡠᠯᡝᡥᡝ ᠪᡝ ᡤᡳᠩᡤᡠᠯᡝᡵᡝ ᡧᡠᠮᡳᠨ ᡤᡡᠨᡳᠨ ᡴᠠᡳ᠉ ᡳ ᡤᡳᠩ ᠪᡳᡨᡥᡝᡩᡝ ᡥᡝᠨᡩᡠᡥᡝᠩᡤᡝ᠈ ᠨᡳᠶᠠᠯᠮᠠᡳ ᡧᡠ ᠪᡝ ᡨᡠᠸᠠᠮᡝ᠈ ᠠᠪᡴᠠᡳ ᡶᡝᠵᡝᡵᡤᡳ ᠪᡝ ᡶᡝᠮᠪᡠᠮᡝ ᡥᡡᠸᠠᡧᠠᠪᡠᠮᠪᡳ ᠰᡝᡥᡝᠪᡳ᠉ ᠪᡳ᠈ ᠮᠠᡶᠠᡵᡳ ᡶᡠᡴᠵᡳᠨ ᡨᠣᡴᡨᠣᠪᡠᡥᠠ ᠠᠮᠪᠠ ᠪᠣᡩᠣᡤᠣᠨ ᡩᡝ ᡤᡳᠩᡤᡠᠯᡝᠮᡝ ᠠᠴᠠᠪᡠᠮᡝ᠈ ᡤᡠᡵᡠᠨ ᠪᠣᠣ ᡩᡝ ᡥᡝᡵᡤᡝᠨ ᠪᡝ ᡝᠮᡠ ᠣᠪᡠᡵᡝ ᠸᡝᠰᡳᡥᡠᠨ ᡴᠣᠣᠯᡳ ᠪᡝ ᠰᡳᡨᡥᡡᡶᡳ ᡴᡳᠴᡝᠮᡝ᠈ ᡠᡩᡠᡩᡠ ᠠᠨᡳᠶᠠ ᠣᡶᡳ ᡨᡝᠨᡳ ᡤᡠᠯᡥᡠᠨ ᠶᠣᡴᡳ ᠣᠪᡠᠮᡝ ᡧᠠᠩᡤᠠᠪᡠᡥᠠ᠉ ᡝᡵᡝ ᠪᡳᡨᡥᡝ ᠪᡝ ᡨᠠᠴᡳᡵᡝ ᡠᡵᠰᡝ᠈ ᠮᡳᠨᡳ ᡠᡨᠠᠯᠠ ᠠᠨᡳᠶᠠ ᡴᡳᠴᡝᡥᡝ ᠵᠣᠪᠣᡥᠣ ᡩᡝ ᠠᠴᠠᠪᡠᠮᡝ᠈ ᠵᡳᠯᡤᠠᠨ ᠮᡠᡩᠠᠨ ᠴᡳ ᡥᡝᡵᡤᡝᠨ ᠵᡳᠵᡠᠨ ᠪᡝ ᠪᠠᡳᡵᡝ᠈ ᡥᡝᡵᡤᡝᠨ ᠵᡳᠵᡠᠨ ᠴᡳ ᡧᡠ ᠶᠠᠩᠰᡝ ᠪᡝ ᠪᠠᡳᡵᡝ ᠣᠴᡳ ᠠᠴᠠᠮᠪᡳ᠉ ᡝᡵᡝᠴᡳ ᠠᠮᠠᠰᡳ᠈ ᠶᠠᠶᠠ ᡥᡝᠰᡝ ᠪᡝ ᠰᡝᠯᡤᡳᠶᡝᡵᡝ᠈ ᠪᡳᡨᡥᡝ ᠸᡝᠰᡳᠮᠪᡠᡵᡝ᠈ ᠵᠠᡳ ᡤᠣᡵᠣᡴᡳ ᠪᠠᡩᡝ ᡥᠠᡶᡠᠮᠪᡠᡵᡝ᠈ ᡝᠯᡩᡝᠩᡤᡝ ᠸᡝᡥᡝ ᡩᡝ ᡶᠣᠯᠣᡵᠣ᠈ ᠠᠮᠪᠠ ᡩᠣᡵᠣ᠈ ᠠᠮᠪᠠ ᡴᠣᠣᠯᡳ ᡩᡝ᠈ ᡤᡝᠮᡠ ᠰᠣᠩᡴᠣᠯᠣᡵᠣ ᡨᡝᠮᡤᡝᡨᡠ ᠪᡝ ᠪᠠᡥᠠᡵᠠ᠈ ᡝᠮᡠ ᡤᡳᠰᡠᠨ᠈ ᡝᠮᡠ ᡤᡡᠨᡳᠨ ᠰᡝᠮᡝ᠈ ᠶᠣᠣᠨᡳ ᡩᡠᡵᡠᠨ ᡨᡠᠸᠠᡴᡡ ᠪᡳᠰᡳᡵᡝ ᠪᡝ ᡩᠠᡥᠠᠮᡝ᠈ ᡤᡠᡵᡠᠨ ᡳ ᠪᡳᡨᡥᡝ ᠮᡳᠩᡤᠠᠨ ᡨᠠᠩᡤᡡ ᠵᠠᠯᠠᠨ ᡩᡝ ᡝᠨᡨᡝᡥᡝᠮᡝ ᡨᡠᡨᠠᡶᡳ ᡧᡠᠨ ᡠᠰᡳᡥᠠ᠈ ᠰᡠᠩᡤᠠᡵᡳ ᠪᡳᡵᠠᡳ ᡤᡝᠰᡝ ᠠᠪᡴᠠ ᠨᠠ ᡳ ᠰᡳᡩᡝᠨᡩᡝ ᡝᠨᡨᡝᡥᡝᠮᡝ ᡨᡠᡨᠠᠮᠪᡳ ᡩᡝᡵᡝ᠉ ᡝᠯᡥᡝ ᡨᠠᡳᡶᡳᠨ ᡳ ᡩᡝᡥᡳ ᠨᠠᡩᠠᠴᡳ ᠠᠨᡳᠶᠠ ᠨᡳᠩᡤᡠᠨ ᠪᡳᠶᠠᡳ ᠣᡵᡳᠨ ᠵᡠᠸᡝ᠉