模板:MainPage/mnc-zh/content-plus2
ᠮᠠᠨᠵᡠ ᠪᡳᡨᡥᡝ ᡥᡡᠯᠠᡵᠠ ᠨᡳᠶᠠᠯᠮᠠ ᠣᠴᡳ᠈ ᡠᡵᡠᠨᠠᡴᡡ ᡥᡝᡵᡤᡝᠨ ᡨᠣᠮᡝ ᡤᡝᠮᡠ ᡤᡝᡨᡠᡴᡝᠯᡝᠮᡝ ᠰᠠᠴᡳ ᠠᠴᠠᠮᠪᡳ᠈ ᠮᠠᠵᡳᡤᡝ ᡥᡝᠣᠯᡝᡩᡝᠴᡳ ᠣᠵᠣᡵᠠᡴᡡ᠈ ᠠᡳᡴᠠᠪᠠᡩᡝ ᡝᡵᡝ ᠪᡳᡨᡥᡝᡩᡝ ᡝᠵᡝᡥᡝᠩᡤᡝ ᡤᡝᡨᡠᡴᡝᠨ ᠠᡴᡡ ᠣᠴᡳ ᡤᡡᠸᠠᡳ ᠪᡳᡨᡥᡝᡩᡝ ᡨᡝᡳᠰᡠᠯᡝᠪᡠᡥᡝᡩᡝ ᡠᡨᡥᠠᡳ ᡨᡝᠩᡴᡳᠮᡝ ᠰᠠᠮᡝ ᠮᡠᡨᡝᡵᠠᡴᡡ ᠣᠮᠪᡳ᠈ ᡠᡨᡨᡠ ᠰᡝᡵᡝ ᠠᠩᡤᠠᠯᠠ᠈ ᠶᠠᠶᠠ ᠨᡳᠶᠠᠯᠮᠠ ᡩᡝ ᠪᡝᠯᡤᡝ ᡳ ᡤᡝᠰᡝ ᡝᡵᡩᡝᠮᡠ ᠪᡳᠴᡳ᠈ ᠪᡝᠶᡝ ᡩᡝ ᡨᡠᠰᠠᠩᡤᠠ ᠰᡝᡥᡝ ᠪᠠᡩᡝ ᠠᡳᡴᠠᠪᠠᡩᡝ ᡤᡡᠨᡳᠨ ᡩᡝ ᡨᡝᠪᡠᡵᠠᡴᡡᠴᡳ ᠣᠮᠪᡳᠣ᠈ ᡴᡳᠴᡝᡵᠠᡴᡡᠴᡳ ᡤᡝᠯᡳ ᠣᠮᠪᡳᠣ᠉
凡如讀滿洲書的人 必定字字都該當明白知道 些須怠慢使不得 倘或這個書上若記的不明白 別的書上碰見了 可就不能的確知道 豈但這樣說 凡人有粟粒之技 尚且說於己有益 倘若不存心也使得麼 若不用心也使得麼
ᠠᡤᡝ ᡳ ᠠᠮᠪᠠ ᠠᠯᡤᡳᠨ ᠪᡝ ᡩᠣᠨᠵᡳᡶᡳ ᡤᠣᡳᡩᠠᡥᠠ᠈ ᡩᠠᠮᡠ ᠸᡝᠰᡳᡥᡠᠨ ᠴᡳᡵᠠ ᠪᡝ ᠪᠠᡥᠠᡶᡳ ᠠᠴᠠᡥᠠᡴᡡ᠈ ᡝᠨᡝᠩᡤᡳ ᠵᠠᠪᡧᠠᠨ ᡩᡝ᠈ ᡝᠮᡤᡝᡵᡳ ᡨᠠᡴᠠᡥᠠ ᠪᡝ ᡩᠠᡥᠠᠮᡝ᠈ ᠠᡤᡝ ᠰᡳ ᠸᠠᠯᡳᠶᠠᠮᡝ ᡤᡡᠨᡳᡵᠠᡴᡡ ᠣᠴᡳ᠈ ᠮᡳᠨᡳ ᠪᠣᠣᡩᡝ ᠮᠠᠵᡳᡤᡝ ᡶᡝᠯᡳᠶᡝᡵᡝᠣ᠈ ᠰᡳᠨᡳ ᡤᡳᠰᡠᡵᡝᡵᡝᠩᡤᡝ ᡠᠮᡝᠰᡳ ᡳᠨᡠ᠈ ᡝᠰᡳ ᠶᠠᠪᡠᠴᡳ᠈ ᠪᡳ ᡥᠣᠨᠣ ᠠᡤᡝ ᡳ ᠵᠠᡴᠠᡩᡝ ᡤᡝᠨᡝᡶᡳ ᡨᠠᠴᡳᠪᡠᡵᡝ ᠪᡝ ᡩᠣᠨᠵᡳᡴᡝ ᠰᡝᠮᡝ ᡤᡡᠨᡳᡵᡝ ᠪᠠᡩᡝ᠈ ᠰᡳᠨᡳ ᠪᠣᠣᡩᡝ ᡶᡝᠯᡳᠶᡝᡵᠠᡴᡡ ᠮᡠᠵᠠᠩᡤᠠᠣ᠈ ᡩᠠᠮᡠ ᠶᠠᠪᡠᡥᠠᡳ ᠠᡤᡝ ᡩᡝ ᡝᡳᠮᡝᠪᡠᡵᡝ ᡳᠨᡝᠩᡤᡳ ᠪᡳᡴᠠᡳ᠈ ᠠᡳ ᡤᡝᠯᡳ᠈ ᠪᡳ ᡩᠠᠮᡠ ᠠᡤᡝ ᠰᡳ ᠵᡳᡩᡝᡵᠠᡴᡡ ᠠᠶᠣᠣ ᠰᡝᡵᡝ ᡩᠠᠪᠠᠯᠠ᠈ ᠵᡳᠴᡳ ᡨᡝᡨᡝᠨᡩᡝᡵᡝ᠈ ᠪᡳ ᡠᡵᡤᡠᠨᠵᡝᡥᡝ ᠰᡝᠮᡝ ᠸᠠᠵᡳᡵᠠᡴᡡ ᠪᠠᡩᡝ᠈ ᡝᡳᠮᡝᡵᡝ ᡴᠣᠣᠯᡳ ᠪᡳᠣ᠈
久矣所見了兄長的大名譽 就只沒得會見尊顏 今日萬幸 既然一遭認識了 兄長你若不棄想念 求祈往我家行走一行走 你說的狠是 自然要行走 我還想着要往兄長的根前領教去 果然不往你家行走的麼 只是走長了教阿哥厭煩的日子有啊 豈有此理 我只恐怕兄長你不肯來罷咧 既是肯來 我還喜之不盡 厭煩的規矩有麼
ᠠᡤᡝ ᠰᡳ ᠠᡨᠠᠩᡤᡳ ᡤᡝᠨᡝᠮᠪᡳ᠈ ᡤᡝᠨᡝᡴᡳ ᠰᡝᠴᡳ ᡠᡨᡥᠠᡳ ᡤᡝᠨᡝᠮᠪᡳ ᠰᡝᠮᡝ ᡥᡝᠨᡩᡠ᠈ ᡤᡝᠨᡝᡵᠠᡴᡡ ᠣᠴᡳ ᡠᡨᡥᠠᡳ ᡤᡝᠨᡝᡵᠠᡴᡡ ᠰᡝᠮᡝ ᡥᡝᠨᡩᡠ᠈ ᠪᡳ ᡩᠠᠮᡠ ᠰᡳᠨᡳ ᠠᠩᡤᠠᡳ ᠴᠠᠩᡤᡳ ᡤᡝᠨᡝᠮᠪᡳ ᠰᡝᡥᡝᠪᡝ ᡩᠣᠨᠵᡳᡵᡝ ᡩᠠᠪᠠᠯᠠ᠈ ᠰᡳ ᡝᠮᡤᡝᡵᡳ ᠶᠠᡵᡤᡳᠶᠠᠨ ᡳ ᡤᡝᠨᡝᡵᡝ ᠪᡝ ᠣᡵᠣᠨ ᠰᠠᠪᡠᡥᠠᡴᡡ᠈ ᡩᠣᡳᡤᠣᠨᡩᡝ ᡨᠣᡴᡨᠣᠪᡠᠮᡝ ᡤᡳᠰᡠᡵᡝᡶᡳ ᡤᡡᠸᠠ ᠨᡳᠶᠠᠯᠮᠠ ᡳᠨᡠ ᡠᡨᡥᠠᡳ ᡴᡝᠨᡝᡥᡠᠨᠵᡝᡵᠠᡴᡡ ᠣᠮᠪᡳ ᠰᡝᠴᡳᠨᠠ᠈ ᡝᡵᡝ ᡤᡝᠰᡝ ᡴᠣᠣᠯᡳ ᠠᡴᡡ ᠪᠠᡳᡨᠠ ᡤᡝᠯᡳ ᠪᡳᠨᡳ᠈ ᠪᡳ ᡤᡝᠨᡝᡴᡳ ᠰᡝᠴᡳ ᡳᠨᡠ ᠮᡳᠨᡳ ᠴᡳᡥᠠ᠈ ᡤᡝᠨᡝᡵᠠᡴᡡ ᠣᠴᡳ ᡳᠨᡠ ᠮᡳᠨᡳ ᠴᡳᡥᠠ ᡩᠠᠪᠠᠯᠠ᠈ ᡠᡵᡠᠨᠠᡴᡡ ᠰᡳᠨᡩᡝ ᠠᠯᠠᡶᡳ ᠠᡳᠨᠠᠮᠪᡳ᠈ ᡨᡝᡵᡝ ᠠᠩᡤᠠᠯᠠ᠈ ᠪᡳ ᠴᠠᠨᠠᠩᡤᡳ ᡨᡠᠪᠠᡩᡝ ᡳᠰᡳᠨᠠᡶᡳ ᡝᡵᡝ ᡝᠮᡠ ᠪᠠᡳᡨᠠ ᠵᠠᡳ ᠪᠠᡳᡵᡝ ᡨᡠᡵᡤᡠᠨ ᠪᡝ ᠰᡠᠸᠠᠯᡳᠶᠠᠮᡝ ᡤᡝᠮᡠ ᡨᡝᡩᡝ ᡧᠠᠩᡤᠠᠪᡠᠮᡝ ᡤᡳᠰᡠᡵᡝᡶᡳ ᠵᡳᡥᡝᠩᡤᡝ ᡴᠠᡳ᠈ ᠰᡳ ᠠᡳᠪᡳᡩᡝ ᠪᡳᡥᡝ᠈ ᡝᡵᡝ ᡝᡵᡳᠨ ᡩᡝ ᡨᡝᠨᡳ ᠵᡳᡶᡳ᠈ ᡤᡝᠵᡳᠩ ᠰᡝᠮᡝ ᠰᡳᠨᡩᡝ ᠸᠠᠴᡳᡥᡳᠶᠠᠮᡝ ᠠᠯᠠ ᠰᡝᠴᡳ ᡤᡝᠯᡳ ᠣᠮᠪᡳᠣ᠉