模板:MainPage/mnc-zh/content-plus2

From 语言维基
Jump to: navigation, search

ᠮᠠᠨᠵᡠ ᠪᡳᡨᡥᡝ ᡥᡡᠯᠠᡵᠠ ᠨᡳᠶᠠᠯᠮᠠ ᠣᠴᡳ᠈ ᡠᡵᡠᠨᠠᡴᡡ ᡥᡝᡵᡤᡝᠨ ᡨᠣᠮᡝ ᡤᡝᠮᡠ ᡤᡝᡨᡠᡴᡝᠯᡝᠮᡝ ᠰᠠᠴᡳ ᠠᠴᠠᠮᠪᡳ᠈ ᠮᠠᠵᡳᡤᡝ ᡥᡝᠣᠯᡝᡩᡝᠴᡳ ᠣᠵᠣᡵᠠᡴᡡ᠈ ᠠᡳᡴᠠᠪᠠᡩᡝ ᡝᡵᡝ ᠪᡳᡨᡥᡝᡩᡝ ᡝᠵᡝᡥᡝᠩᡤᡝ ᡤᡝᡨᡠᡴᡝᠨ ᠠᡴᡡ ᠣᠴᡳ ᡤᡡᠸᠠᡳ ᠪᡳᡨᡥᡝᡩᡝ ᡨᡝᡳᠰᡠᠯᡝᠪᡠᡥᡝᡩᡝ ᡠᡨᡥᠠᡳ ᡨᡝᠩᡴᡳᠮᡝ ᠰᠠᠮᡝ ᠮᡠᡨᡝᡵᠠᡴᡡ ᠣᠮᠪᡳ᠈ ᡠᡨᡨᡠ ᠰᡝᡵᡝ ᠠᠩᡤᠠᠯᠠ᠈ ᠶᠠᠶᠠ ᠨᡳᠶᠠᠯᠮᠠ ᡩᡝ ᠪᡝᠯᡤᡝ  ᡳ ᡤᡝᠰᡝ ᡝᡵᡩᡝᠮᡠ ᠪᡳᠴᡳ᠈ ᠪᡝᠶᡝ ᡩᡝ ᡨᡠᠰᠠᠩᡤᠠ ᠰᡝᡥᡝ ᠪᠠᡩᡝ ᠠᡳᡴᠠᠪᠠᡩᡝ ᡤᡡᠨᡳᠨ ᡩᡝ ᡨᡝᠪᡠᡵᠠᡴᡡᠴᡳ ᠣᠮᠪᡳᠣ᠈ ᡴᡳᠴᡝᡵᠠᡴᡡᠴᡳ ᡤᡝᠯᡳ ᠣᠮᠪᡳᠣ᠉

凡如读满洲书的人 必定字字都该当明白知道 些须怠慢使不得 倘或这个书上若记的不明白 别的书上碰见了 可就不能的确知道 岂但这样说 凡人有粟粒之技 尚且说于己有益 倘若不存心也使得么 若不用心也使得么

ᠠᡤᡝ  ᡳ ᠠᠮᠪᠠ ᠠᠯᡤᡳᠨ ᠪᡝ ᡩᠣᠨᠵᡳᡶᡳ ᡤᠣᡳᡩᠠᡥᠠ᠈ ᡩᠠᠮᡠ ᠸᡝᠰᡳᡥᡠᠨ ᠴᡳᡵᠠ ᠪᡝ ᠪᠠᡥᠠᡶᡳ ᠠᠴᠠᡥᠠᡴᡡ᠈ ᡝᠨᡝᠩᡤᡳ ᠵᠠᠪᡧᠠᠨ ᡩᡝ᠈ ᡝᠮᡤᡝᡵᡳ ᡨᠠᡴᠠᡥᠠ ᠪᡝ ᡩᠠᡥᠠᠮᡝ᠈ ᠠᡤᡝ ᠰᡳ ᠸᠠᠯᡳᠶᠠᠮᡝ ᡤᡡᠨᡳᡵᠠᡴᡡ ᠣᠴᡳ᠈ ᠮᡳᠨᡳ ᠪᠣᠣᡩᡝ ᠮᠠᠵᡳᡤᡝ ᡶᡝᠯᡳᠶᡝᡵᡝᠣ᠈ ᠰᡳᠨᡳ ᡤᡳᠰᡠᡵᡝᡵᡝᠩᡤᡝ ᡠᠮᡝᠰᡳ ᡳᠨᡠ᠈ ᡝᠰᡳ ᠶᠠᠪᡠᠴᡳ᠈ ᠪᡳ ᡥᠣᠨᠣ ᠠᡤᡝ  ᡳ ᠵᠠᡴᠠᡩᡝ ᡤᡝᠨᡝᡶᡳ ᡨᠠᠴᡳᠪᡠᡵᡝ ᠪᡝ ᡩᠣᠨᠵᡳᡴᡝ ᠰᡝᠮᡝ ᡤᡡᠨᡳᡵᡝ ᠪᠠᡩᡝ᠈ ᠰᡳᠨᡳ ᠪᠣᠣᡩᡝ ᡶᡝᠯᡳᠶᡝᡵᠠᡴᡡ ᠮᡠᠵᠠᠩᡤᠠᠣ᠈ ᡩᠠᠮᡠ ᠶᠠᠪᡠᡥᠠᡳ ᠠᡤᡝ ᡩᡝ ᡝᡳᠮᡝᠪᡠᡵᡝ ᡳᠨᡝᠩᡤᡳ ᠪᡳᡴᠠᡳ᠈ ᠠᡳ ᡤᡝᠯᡳ᠈ ᠪᡳ ᡩᠠᠮᡠ ᠠᡤᡝ ᠰᡳ ᠵᡳᡩᡝᡵᠠᡴᡡ ᠠᠶᠣᠣ ᠰᡝᡵᡝ ᡩᠠᠪᠠᠯᠠ᠈ ᠵᡳᠴᡳ ᡨᡝᡨᡝᠨᡩᡝᡵᡝ᠈ ᠪᡳ ᡠᡵᡤᡠᠨᠵᡝᡥᡝ ᠰᡝᠮᡝ ᠸᠠᠵᡳᡵᠠᡴᡡ ᠪᠠᡩᡝ᠈ ᡝᡳᠮᡝᡵᡝ ᡴᠣᠣᠯᡳ ᠪᡳᠣ᠈

久矣所见了兄长的大名誉 就只没得会见尊颜 今日万幸 既然一遭认识了 兄长你若不弃想念 求祈往我家行走一行走 你说的狠是 自然要行走 我还想着要往兄长的根前领教去 果然不往你家行走的么 只是走长了教阿哥厌烦的日子有啊 岂有此理 我只恐怕兄长你不肯来罢咧 既是肯来 我还喜之不尽 厌烦的规矩有么

ᠠᡤᡝ ᠰᡳ ᠠᡨᠠᠩᡤᡳ ᡤᡝᠨᡝᠮᠪᡳ᠈ ᡤᡝᠨᡝᡴᡳ ᠰᡝᠴᡳ ᡠᡨᡥᠠᡳ ᡤᡝᠨᡝᠮᠪᡳ ᠰᡝᠮᡝ ᡥᡝᠨᡩᡠ᠈ ᡤᡝᠨᡝᡵᠠᡴᡡ ᠣᠴᡳ ᡠᡨᡥᠠᡳ ᡤᡝᠨᡝᡵᠠᡴᡡ ᠰᡝᠮᡝ ᡥᡝᠨᡩᡠ᠈ ᠪᡳ ᡩᠠᠮᡠ ᠰᡳᠨᡳ ᠠᠩᡤᠠᡳ ᠴᠠᠩᡤᡳ ᡤᡝᠨᡝᠮᠪᡳ ᠰᡝᡥᡝᠪᡝ ᡩᠣᠨᠵᡳᡵᡝ ᡩᠠᠪᠠᠯᠠ᠈ ᠰᡳ ᡝᠮᡤᡝᡵᡳ ᠶᠠᡵᡤᡳᠶᠠᠨ  ᡳ ᡤᡝᠨᡝᡵᡝ ᠪᡝ ᠣᡵᠣᠨ ᠰᠠᠪᡠᡥᠠᡴᡡ᠈ ᡩᠣᡳᡤᠣᠨᡩᡝ ᡨᠣᡴᡨᠣᠪᡠᠮᡝ ᡤᡳᠰᡠᡵᡝᡶᡳ ᡤᡡᠸᠠ ᠨᡳᠶᠠᠯᠮᠠ ᡳᠨᡠ ᡠᡨᡥᠠᡳ ᡴᡝᠨᡝᡥᡠᠨᠵᡝᡵᠠᡴᡡ ᠣᠮᠪᡳ ᠰᡝᠴᡳᠨᠠ᠈ ᡝᡵᡝ ᡤᡝᠰᡝ ᡴᠣᠣᠯᡳ ᠠᡴᡡ ᠪᠠᡳᡨᠠ ᡤᡝᠯᡳ ᠪᡳᠨᡳ᠈ ᠪᡳ ᡤᡝᠨᡝᡴᡳ ᠰᡝᠴᡳ ᡳᠨᡠ ᠮᡳᠨᡳ ᠴᡳᡥᠠ᠈ ᡤᡝᠨᡝᡵᠠᡴᡡ ᠣᠴᡳ ᡳᠨᡠ ᠮᡳᠨᡳ ᠴᡳᡥᠠ ᡩᠠᠪᠠᠯᠠ᠈ ᡠᡵᡠᠨᠠᡴᡡ ᠰᡳᠨᡩᡝ ᠠᠯᠠᡶᡳ ᠠᡳᠨᠠᠮᠪᡳ᠈ ᡨᡝᡵᡝ ᠠᠩᡤᠠᠯᠠ᠈ ᠪᡳ ᠴᠠᠨᠠᠩᡤᡳ ᡨᡠᠪᠠᡩᡝ ᡳᠰᡳᠨᠠᡶᡳ ᡝᡵᡝ ᡝᠮᡠ ᠪᠠᡳᡨᠠ ᠵᠠᡳ ᠪᠠᡳᡵᡝ ᡨᡠᡵᡤᡠᠨ ᠪᡝ ᠰᡠᠸᠠᠯᡳᠶᠠᠮᡝ ᡤᡝᠮᡠ ᡨᡝᡩᡝ ᡧᠠᠩᡤᠠᠪᡠᠮᡝ ᡤᡳᠰᡠᡵᡝᡶᡳ ᠵᡳᡥᡝᠩᡤᡝ ᡴᠠᡳ᠈ ᠰᡳ ᠠᡳᠪᡳᡩᡝ ᠪᡳᡥᡝ᠈ ᡝᡵᡝ ᡝᡵᡳᠨ ᡩᡝ ᡨᡝᠨᡳ ᠵᡳᡶᡳ᠈ ᡤᡝᠵᡳᠩ ᠰᡝᠮᡝ ᠰᡳᠨᡩᡝ ᠸᠠᠴᡳᡥᡳᠶᠠᠮᡝ ᠠᠯᠠ ᠰᡝᠴᡳ ᡤᡝᠯᡳ ᠣᠮᠪᡳᠣ᠉

阿哥你几时去 说要去就说去 若不去就说不去 我只听见寡你的嘴说去罢咧 总没见你一遭儿真去 预先说定了 别人可也就不疑惑了 这样无理的事也有呢 我若是要去 也由着我 若是不去 也由着我罢咧 必定告诉你作什么 况且我前日到了那里 把这一件事 并连恳求的缘故都合他说完毕了来的啊 你在那里来着 这时候才来 絮絮叨叨的尽情都漠得么